Aızada Qurmanova, depýtat: Keı qalalardyń ınfra­qu­ry­lymdary jańarý kezegin kútip tur

Prezıdent Joldaýyndaǵy besinshi baǵytta bizdiń aldy­myzǵa naqty mindet qoıyldy. Onda aıtylǵan, «Qurylysqa jáne kommýnaldyq sektorǵa za­ma­naýı tehnologııalardy en­gizý» – qazirgi álemdik damý úde­­ri­sindegi kezek kúttirmeıtin másele.

Búgingi tańda Astana men Almaty qalasynda jáne oblys ortalyqtarynda qurylys qarqyndy júrip jatqany málim. Atap aıtar bolsaq, el aza­mat­taryn baspanamen qamtý­ǵa baǵyttalǵan turǵyn úı qury­lysy jedel júzege asyrylýda, turǵyn úı jınaqtaý júıesi de tıimdi jumys istep jatyr.
Árıne bul salanyń utymdy jolǵa qoıylýyn Elbasy tapsyrmasymen júrgizilip jatqan «Nurly jer» turǵyn úı qury­lysy baǵdarlamasynan bólip qaraýǵa bolmaıdy. 

Jalpy, baspanamen qamtý kórsetkishi sońǵy 10 jylda bir turǵynǵa shaqqanda 30 pa­ıyzǵa ósip, búginde 21,6 sharshy metrdi quraǵan. Biraq, mu­ny­men jumys toqtamaıdy. El­basy atalǵan kórsetkishti 2030 jyly 30 sharshy metrge deıin jetkizý kerektigin aıtty. Bul mindetke jetý úshin Prezıdent qurylys salýdyń jańa ádisterin engizýdi, zamanaýı materıaldardy, ǵımarattardyń jobasy men qala qurylysy­nyń josparyn jasaǵanda tyń tásilderdi qoldaný qajettigin tapsyrdy. Sebebi jańa tásil­derdi, ozyq te­hnologııany qol­daný ǵımarattardy salýda onyń sapasyna kepildik beredi. Elbasy osyǵan basa nazar aýdarýdy eskertti. Damyǵan elderdegi megapolısterdiń bir ereksheligi – ıntellektýaldy basqarý júıesi. Iаǵnı «aqyldy qala». Bul árbir ǵımarattan bastalady. Jańa sapada salynǵan turǵyn úıler halyqqa jaıly bolýy shart. Turǵyn úı salasyndaǵy ózekti máseleniń biri – ınfraqurylym júıesi. Bul ásirese, aýdan men aýyldy jerlerde jiti qadaǵa­laýdy qajet etedi. Elbasy Jol­daýyn­da bul másele de eskeri­lip, óńirlerdegi ákimderge turǵyn úı-kommýnaldyq ınfraqury­ly­myn jetildirý qajettigi aıtyl­dy. Soǵan oraı, atalǵan máseleni memleket jáne jekemenshik áriptestigi negizinde belsendi sheshýdi tapsyrdy.

О́ńirlerdegi ınfraqury­lym­dy damytýdaǵy mańyzdy qadamnyń biri aýyldyq eldi mekenderdi sapaly aýyz sýmen qamtamasyz etý ekeni belgili. Úkimet bul salada iri jobalardy júzege asyryp keledi. Alaıda tolyq qamtyldy dep aıtý qıyn. Búginde sý tapshylyǵyn sezi­nip otyrǵan eldi meken­der bar. Al keıbir úlken qala­lar men mo­noqalalardyń ınfra­qu­ry­lymdary jańarý kezegin kútip tur. Elbasy atal­ǵan máse­leni túbegeıli retteýdiń jolyn da nus­qady. Iаǵnı Úkimet bul iske bar­lyq qarajat kózderinen jyl saıyn kem degende 100 mıl­­lıard teńge qarastyrýy qajet dep atap kórsetti. Qoryta aıtqanda, osy atalǵan máselelerdiń qaı-qaı­sysy da elimizdiń ıgiligin art­tyrýdyń naqty tetigi ekeni anyq. Sondyqtan da onyń jú­zege asýyna jumyla atsalysý barshamyzǵa paryz.

Aızada QURMANOVA, 
Parlament Májilisiniń depýtaty